من فنوووون الشعر

من كل حرف , وكل شهـوة صبابـه =استغفـر الله واتعـوذ مـن ابليـس
اعـوذ بالـي آوى عبـد وسرابـه = لاجي نهار الحشر خلف امرئ القيس
يـارب , يـارب الكـرم والمهابـه =يالـي لـك اعـلام الأوادم مناكيـس
جردنـي مـن النابيـه والسبـابـه = ولبسني من دروع هديـك متاريـس
تعبت مـن مسـك القلـم والكتابـه = والشعر , وفتـن النسـا والأباليـس
والمدح في عـزوة وشيـخ وقرابـه =واللاء .. لدعوات الرضيين والليـس
والحب وما حولـه ومالـه وهابـه =والدمـع لاهبـت علـي النسانـيـن
والشـوق وغفـال العقـل وانغلابـه = والليل وخطط الدها .. والجواسيـس
والشهرة وحكـي العـرب واللبابـه = وزملوق شـف ماتعسـه عواسيـس
وحصر اسمي فشاعر فساحه غرابـه = شعارهـا فيهـم رخـوم وملاحيـس
وانـا لعـطـاس الأوادم سحـابـه = ومن خلقتي ماقد وطيـت الدنافيـس
تاكـي علـى ارث الأسـم بالنيابـه =واقطف خلاصه ما اغرسوه الغواريس
احسبنـي فايـز بالرضـا والذرابـه = واثري مثل من يحصر النور في كيس
اقفي من الله والامـل والرضـا بـه= واروح ادور من ورا ابليس احاسيس
اسهر علـى فـن الكلـم والخطابـه = واصبح ولين الي جمعتـه حماليـس
قلـبـي لـعـزاف الأوادم ربـابـه = وراسي لخطوات الشطانه دواعيـس
تقودني نفسـي ولا اشعـر ولا آبـه = مالت عليهـا عاصيـات الهواجيـس
من عنده ان كـل الشعـور يتشابـه =روس مع الي في الدحادر مراويـس
الاثم ماحاكه في خفـوق وخفـا بـه = والخير ما شاعته روس النواميـس
كم شـي صـار وصـار مايندرابـه = وكـم نومـه ماكدرتهـا كوابـيـس
ترى مااحد له فـي رقبتـي طلابـه = بس الصراحه من شـم الفواعيـس
والرجـل اذا مايعتبـر فـي شبابـه = يعيب قبل يشيب ويشيـب ويخيـس
يا راجي ارجى الي ماينصـك بابـه = لاترجي الوهبات من هيس ابن هيس
استغـفـر الله واتتـقـى عـذابـه =الي فرقني عـن حيـاه المتاعيـس
من قبل لا ارعف الهدى واعنـا بـه = انا وهمي والحـزن face to face
والحيـن لله .. الفضـل والإنـابـه = متعافي .. ويمشي على زندي التيس
هادي .. يشوشنـي طزيـز الذبابـه = لا عـدت لايـام الغبيَـه ولا أقيـس
شريت عقلـي فـي سـؤال وإجابـه =انا أعبدالله .. ولا أعبد الوساويس ؟
لـذة خفوقـي وانجلابـه ضبـابـه = سجـدات ليـلِ ظالمينـه مناعيـس
فاجـواء مكـه والحـرم والرحابـه = لا يابعـد رومـا ولنـدن وباريـس
هذي ديـار المصطفـى والصحابـه = وهذيك دار ابليس وعويـل ابليـس





حبيبتي تحفة مـن النـوع الفريـد=ولا جيت ابمدحهـا اخـاف اذمهـا

لأن المديح بها ينقّص مـا يزيـد=و لأنها خيـال و طايـش ماهمهـا

متمردة و بعقل هـارون الرشيـد=و بالزين ما عـذرا توقـف يمهـا

لو قستها مثلا على الجيل الجديـد=تحط (( حليمـه بولنـد )) بكمهـا

من غيّها السادات سـوّاد العبيـد=تحر و تبرك عنـد ركبـة عمهـا

ومن غيها لامن تثنّـت كـل جيـد=وده يصير انسـان لأجـل يلمهـا

ومن غيها حتى الدهن عود العتيـد=يسيل في يدهـا عشـان يشمهـا

من غيها لامن خذت نفـس جديـد=تهاوشـت الانفـاس علـى فمهـا

لبيهـا ام الفـكـر وام القصـيـد=لبيها مـن ضحكهـا لـى غمهـا

اللي بقوله جعلهـا الحـظ السعيـد=والله يخليهـا لأبوهـا و وامـهـا




لا تطاريتوا بحلو السوالـف والحكـي=والله ان احلى السوالف سوالف ناديه

كنها لاقالت ارحب على الراء ترتكـي=اتحفاهـا واخلـص وتـوهـا بـاديـه

مـن دلعهـا لا تحفتـك كنهـا تشتكـي=ومن ثقلها لـو يثـورون تبقـى هاديـه

تتقن البكي المضحك على الضحك البكي=بكي امينه رزق يطلع بضحكـة شاديـه

وصوتها اخر شموخ الطراز المملكـي=وبحته تقمع ظهور الحـروف الغاديـه

ما يجيب من الحكي كون لؤلؤ الحكـي=ما يجيـب اللؤلـؤ إلا سوالـف ناديه