بنااااااااااااات المتوسط

[grade="00008B FF6347 008000 4B0082"]اليوم جايبة لكم موضوع عن بنات المتوسط وما ادراك ما بنات المتوسط

دجه
رجه
صياعه
طولة لسان
لعنة خير
واحسن شئ فيهم {الفزعات}

شعارهم:ازحف للدنيا تزحفلك _عيش وفلها وربك يحلها
هدفهم:تضييع الوقت باي وسيله

لا وعندهم تعصب قبلي وغطوا على الشباب من هالناحيه لوول!!!
يعني هاذي شمريه تهاوشت مع دوسريه عشانها قالت الشمامره...........؟
وهاذي سبيعيه تهاوشت مع عتيبيه عشانها قالت ........؟
وهاذي زهرانيه تهاوشت مع غامديه عشانها قالت.........؟

وهاذي حالتهم من اول ما يجون لين يطلعون على البيت

لا وما شاء الله عليهم عقولهم اكبر من سنهم يعني مثال بنت بثاني متوسط عمرها 15 سنه تعرف كل صغيره وكبيره واظن فاهمين قصدي زين الله يرحم زمان اول

وتلقا كل وحده منهم معاها جوال اخر موديل قصدي توه نازل بــ2000 ريال وشاريته
و هالشباب مساكين الرهيب بالحسره لووول امزح خخخخخ

وكل وحده فيهم عندها كومة شباب تعرفون وش يعني كومة شباب طالعه من قلب
تقولون هاذي عمرها 25 مو 15

لا واذا جت المباريات بين الانديه هوشات مو صاحييييييه
مثلا:
بنت تهاوشت مع الثانيه وطلعت دمها عشانها قالت الاتحاد يغطي على الهلال بالراحه (كفو والله)
ومثال ثاني بنت قالت برشلونه تغطي على مانشستر يونايتد وتدوسها تحت جزمتها بعد

لا وانحش اذا جااء طاري اللاعبين اوووف اوووف تكفيخ ومكافخ ولعنة خير
عشان ياسر القحطاني احسن من مالك معاذ وعبد الرحمن القحطاني احسن من الجابر ونواف التمياط جذاب اكثر من الشلهوب وووووو ....إلخ

واذا جت مباراة المنتخب اللي كاتبه على ثوبها يالاخضر اللي ما تعرف المستحيل علم بلادك في يمينك يا الاصيل وبخاخات وعلى الجدران واللي كاتبه يكفي ان الكون كله وراي لاني سعوديه دايم الدوم قدام وعليهم وطنيه مو صاحيه بس يموتون على شئ اسمه فزاع الشيخ حمدان يموتون عليه هههههههه يحقلهم ويحبون قصيدة شاميه اتصلت غلطانه ويعشقون الشاعر لفى الهفتا

وما يقهرني الا ان المعلمات يخافون منهم وربي يخافون ولا قبل كم يوم معلمه مخلوعه كتفها بالمدرسه {المتوسطه الاولى بالظهران} تصوروا دابغين مدرسه والله زمن

ولا اذا راحوا للمدرسه قصدي للسكول على مراييلهم ما تقول مراييل للمدرسه تقول فساتين عرس فتحات وخصر و انواع التزين انواع الكشخه انواع وانواع وانواع

وكل اغنية تنزل حفظوها بدقيقه بعني لو الوزاره تخلي المناهج اغاني وتجيب مساري يغنيها وربي ينجحون بالراحه ههههههه

والمشكله انهم يعرفون كل سياره تنزل ويعرفون موديلها قيمتها وشركتها والاقساط حقتها مدري وش عرفهم ما شاء الله

وطبعا كل وحده فيهم عندها اكثر من ايميل يعني ايميل للعايله وايميل لصديقاتها وايميل لاخوياها وايميل للمنتديات

لا واذا مروا شباب من عند مدرستهم انواع الزحمه يا شيخ اللي تزين الكحل حقها ولا تعدل لثمتها ولا تشيل الشيله خير شر كل هاذي عشان يقزوون صح!!!اسحب عليه

وخصوصا اذا طلعوا على البيت انواع القز انواع الغمز واذا عجبهم واحد نادوه وقطوا الرقم وراحوا والله حاله فضاوه

وتعال بالحصه اللي تطقطق بعلكها واللي تاكل فصفص واللي تغني واللي يسولفون واللي يحشون واللي يتفقون على هوشه واللي ناوين على معلمه واللي تشق دفترها واللي تقص شعرها واللي تهستر بالمعلمه والشله هذيك منحاشه وشلة حليب نياق بالاداره الله لا يوريكم اذا حنا كذا وشلون المدارس الخاصه

لا وكل يوم يلبسون بناطيل تحت مراييلهم عشان اذا لعبوا كوره ورا المدرسه
طبعا كل يوم الشلل هاذي مخصصين حصه يهربون فيها ويروحون يلعبون ورا الدرسه بالكوره حشا شباب مو بنات
يروحون ورا ويفصخون ثيابهم طبعا البناطيل تحت يعني عادي ويلااا لعب اللي تقلد بيكهام واللي تقلد ياسر وهذيك تقلد كاكا والثانيه كريستيانو ولو تحطونهم بالانديه يفوزونها بالراحه

وهستره بالمعلمات مو صاحيه بس ترا هم ما يقولون لك شئ بس لو تقربلهم ولا تتحرش فيهم رحت فيها

وما يعترفون بشئ اسمه نظافة كتب يعني طنش تعش تنتعش
صارت كتبهم وسيله تعبير عن النفس يعني اللي متضايقه على طول فتحت الكتاب وكتبتلك ذيك القصيده
واللي زهقانه تكتب بكتابها كل اغنيه حافظتها واللي ... واللي.... واللي....إلخ

هههههه

والمشكله دجه طول السنه ونهاية العام اللي جايبه نسبة 92% والثانيه95%

وكتموا المدرسه بريحة الزقاير اووف ريحه مو صاحيه بالحمامات من زقايرهم الله يهديهم بس هاذا عاد من رداة المديره ولا بنات ويزقرون والله مشكله

وعليهم ثقه بانفسهم مو صاحيه الوحده واثقه من نفسها حييييييل من كل ناحيه

وما يمر يومين الا وهم متواعدات بمجمع يا مجمع الراشد ولا مجمع الظهران ولا فؤاد سنتر او الجمعه سيتي سنتر ولا جيان وبلا كارفور ولا المارينا حتى بالمشاغل حقت قص الشعر يتواعدون هناك

واذا جااء رمضان كالعاده فيه شئ اسمه صلاة تراويح هم يروحون عشان يدقونها سوالف دججججه من جد

وهاذي حالتهم مستحيل تتغير يعني صراحه العن من بنات الثانوي والجامعه حرااام البنت عمرها 15سنه 16 سنه14سنه 17سنه وداجه بس وناسه وربي على الاقل يطلعون من المدرسه بذكريات تضحك هههههههههههه

وهاذا هم بنات المتوسط اذا تبي تعرف اووووف قلق هالبنات
هههههههههههههههههههههههه
وعلى فكره احب اشكر
شلة{وصلت خير}
شلة{خويات الملك}
شلة{خويات ابليس}
شلة{مشوتين القواطي}
شلة{المافيا}
شلة{رجه وعجه}
شلة{هامورات الاسهم}
شلة{حكاية عطر}
شلة{جواليه}
شلة{حنا اللي وراك}
شلة{شحنة حب}
شلة{مطفشين الاداره}
شلة{داشر داشر}على وزن شاطر شاطر

على فزعتهم لي يوم مسكوني الاداره مع تحياتي:زعيمة شلة{حليب نياق} بنت المتوسط
اللهم ضيع دفتر العلامات من المعلمين والمعلمات
ووفق الطلاب و الطالبات
ودمر المدرسين والمدرسات
واخسف بهم سابع سماوات
واصرف نظرهم عنا في وقت الاختبارات
وقرب ورقة الجارة منا وابعد نظر الاستاذة عنا
واجعل درجاتنا ستينات بدلا من صفرات
امين يالله اني دخيلة عليك[/grade]

ياهووووووووووووووو وين الناس مايردوا على المواضيع

لحظه لحظه

ليش حاطه اسمي خوية ابليس
اصلا هذ الاسم مو مشهور الا في مدرستي
ولاتخافي تراني مو متوسطه انا ثانويه
ولعلمك انا اكره بنات المتوسطه
كثييييييير

هههههههههههههههههههههه

يا خويه ياويلك لوتدري اختي امون اللي باالمتوسط

عنك ياويلك منها تحملي ما يجيك

هههههههههههههههههه

ايه والله ياويلي

تكفين لا تقوليلها شان ماتزعل عليا